Бүгін, 28 сәуірде Роттердам қаласындағы «Де Куйп» стадионында Конференция лигасының жартылай финалдық ойыны аясында «Фейеноорд» «Марсельді» қабылдап, 3:2 есебімен жеңіске жетті.
Есеп бірінші таймда ашылды. 18-минутта голландиялық клубтың шабуылшысы Сирил Дессерс көзге түсті Екі минуттан кейін Луис Синистерра алаң иелерін есептегі басымдығын нығайта түсті. 28-минутта «Марсель» шабуылшысы Амаду Бамба Диенг ерекшеленді. 40-минутта франциялық клубтың жартылай қорғаушысы Жерсон таразы басын теңестірді. Ал 46-минутта Дессерс дубль жасап, командасына жеңіс сыйлады.
Екінші жартылай финалдық ойында «Лестер» мен «Рома» өзара мықтыны анықтады. Командалар Лестердегі «Кинг Пауэр» стадионында ойнап, жеңімпазды анықтай алмады (1:1).
Жозе Моуриньо шәкірттері 15-минутта есеп ашты - Никола Залевскийдің пасынан кейін Лоренцо Пеллегрини көзге түсті, бірақ екінші таймда Адемола Лукман таразы басын теңестіріп кетті.
Командалар арасындағы қарымта матчтар 5 мамырға жоспарланған.
Біздің серіктес: FONBET