"Ювентустың" бұрынғы бас бапкері Массимилиано Аллегри "Тоттенхэмді" жаттықтырудан бас тартты.
AS басылымының хабарлауынша, 53 жастағы италиялық маман өз агентінен "Реал Мадридтен" басқа ешқандай клубпен келіссөздер жүргізбеуін өтінген. Аллегри Зинедин Зиданның қызметінен кетуін күтіп отыр. Сол себепті де лондондық клубтың ұсынысынан бас тартты.
Келесі аптада Зинедин Зидан "Реал Мадридтің" президенті Флорентино Переспен кездесіп, клубтағы болашағы туралы шешімін хабарлайды.
Ал Аллегри 2019 жылдан бері жұмыссыз жүр. Маманның соңғы клубы "Ювентус" болды. Аллегри бапкерлік мансабында "Милан", "Кальяри", "Сассуоло", "Удинезе", СПАЛ командаларын жаттықтырған.
Біздің серіктес: FONBET