«Маусым соңына қарай жақсы нәтиже көрсетеміз деп үміттенемін». Асхат Тағыберген жаңа клубында бірінші сұқбатын берді
Жақында қостанайлық командаға келіп қосылған Асхат Тағыберген өзінің алғашқы пікірімен бөлісті. 34-жастағы футболшы ҚПЛ-2025-тің үшінші туры аясындағы «Елімаймен» болған матчтан кейін ойын ортаға салған болатын.
Айта кетейік, кеше Қостанайда «Тобыл» мен «Елімай» 1:1 болып тең тарқасып, ұпай бөліскен.
«Елімай» - азулы қарсылас. Өздерінің мықты команда екендерін көрсетті. Бұл әзірге тек бірінші ойын және біз бір-бірімізге енді бой үйретіп жатырмыз. Футбол жеңістерден әрі жеңілістерден де тұрады. Маусым соңына қарай жақсы нәтиже көрсетеміз деп үміттенемін», - деді жартылай қорғаушы.
Айта кетейік, Асхат Тағыберген «Ордабасымен» келісімшартын үзіп, үшінші тур алдында «Тобыл» қатарын толықтырған. Қазақстан құрамасының капитаны 2017-жылы және 2021 мен 2022-жж аралығындағы маусымда қостанайлықтар жейдесінде өнер көрсеткен. Бұдан бөлек мансабында «Ақтөбе», «Астана» мен қызылорданың «Қайсары» болды.
Біздің серіктес: FONBET