Жексенбінің кешінде екі клуб бір-бірімен 35-рет (Ла Лигада - 30, Испания Кубогында - 5) жолықты. "Барса" - 25, "Алавес" - 5-еуінде басым түссе, 5 матч тең аяқталған.
Алаң қожайындары "Барселонаны" біріншілікте осыдан 2016 жылы қыркүйекте "Камп Ноуда" (1:2) жеңген. Міне, содан бері осымен 8 ойын қатарынан жеңілді.
Биыл Каталония ұжымы чемпионат қорытындысы бойынша 82 ұпаймен екінші орын алды. Ал бұл 2007-2008 жылдан бергі ең нашар көрсеткіш.
МЕССИ ТІРКЕГЕН РЕКОРДТАР
Дубль авторы Лионель Месси Ла Лигадағы гол санын 25-ке жеткізді. Бір жағынан Лео "Алавеспен" болған 9 ойында 10-голын салды. Ізін қуып келе жатқан Кəрім Бенземаның еншісінде 21 гол. Осылайша "Барса" капитаны 7-рет үздік сұрмергенге тиесілі Пичичи жүлдесін алды. Бұл жағынан да Лео Испания біріншілігінің тарихи жетістігін қайталайды. Енді ол 6 рет Пичичи алған Тельмо Сарраның жетістігінен асып түсті.
Сонымен қатар бүгін екі нəтижелі пас берген аргентиналық шабуылшы бұл көрсеткішін 21-ге жеткізді. Демек, Месси Примерада бір маусымда нəтижелі пас беруден бұрынғы əріптесі Хавидің (20 нəтижелі пас 2008-2009) рекордын жаңартты.
Айта кетейік, Испанияда бір маусымда ең көп гол салған да Лео Месси (2011-2012 жылы 50 гол).
Біздің серіктес: FONBET