«Реал» мен «Манчестер Юнайтедтің» бұрынғы бас бапкері Жозе Моуриньо табысын жасырғаны үшін бір жылға шартты жазаға тартылды. Испания прокуратурасы 2010-2013-ші жылдары Мадридтің «Реалын» жаттықтырған маманның үстінен іс қозғаған еді. Жаттықтырушы үш миллион еуро көлеміндегі салықтан жалтарған деп айыпталды. Кейін Моуриньо қарызды қайтарғанын мәлімдеген. Енді Португалиялық маман испан заңнамасы бойынша түрмеге отырмайды. Тек, айыппұлмен құтылады. Жозе испания қазынасына 669 мың еуро төлеуі тиіс. Сосын іс жабылады.