Мсксим Самородов Ұлттық құрамаға оралуға жақын
Қазақстан құрамасының шабуыл шебін күшейтетін маңызды ойыншы сапқа қайта қосылмақ, деп хабарлайды Aladop.kz.
«Ахмат» шабуылшысы Максим Самородов жарақатынан айығып, Ұлттар лигасындағы Фарер аралдарына қарсы матчқа қатысуға дайын екені хабарланды.
24 жастағы футболшы турнирдің алғашқы үш кездесуін жарақатына байланысты өткізіп алған. Осы уақыт ішінде Самородов Астанада қалып, Қазақстан құрамасының дәрігерлерінің бақылауында болған және қалпына келу процедураларынан өткен. Қазір оның жағдайы алдағы ойынға қатысуға мүмкіндік береді.
Самородовтың алаңға қайта оралуы Ұлттық құраманың шабуылына елеулі көмек болуы мүмкін. Қазақстан алғашқы үш турда шабуыл шебіндегі кадрлық мәселелерге тап болды. Команда Фарер аралдарымен 1:1 тең ойнап, Словакиядан 1:2, Молдовадан 1:2 есебімен жеңілді. Нәтижесінде үш матчтан кейін Қазақстанның еншісінде небәрі бір ұпай бар.
Самородов — Қазақстан футболындағы ең қымбат ойыншылардың бірі. Жақында оның трансферлік құны тағы бір миллион еуроға өсіп, 4 миллион еуроға жетті. Бұл қазіргі бағаммен шамамен 2,03 миллиард теңге.
Осыған дейін Ұлттық құрамадағы үш ойынды өткізіп алған шабуылшының оралуы Джон ван ’т Схиптің командасы үшін маңызды факторға айналуы мүмкін. Әсіресе Қазақстанға турнирдегі алғашқы жеңісін алу үшін шабуылдағы мүмкіндіктерін арттыру қажет.
Қазақстан мен Фарер аралдары арасындағы Ұлттар лигасының төртінші тур ойыны 6 қазанда Астанадағы «Астана Аренада» өтеді. Кездесу Астана уақытымен 19:00-де басталады. Фарер аралдары алғашқы үш турдан кейін үш ұпаймен үшінші орында тұр.
Біздің серіктес: FONBET