Мұхамеджан Сейсен «Тараз» сапында ең көп матч өткізген қақпашылардың тізіміне енді

«Тараздың» 23 жастағы қақпашысы Мұхаммеджан Сейсен Қазақстан чемпионатында өткізген матчтар саны бойынша жамбылдық клубтың ТОП-6 қақпашылар қатарына енді, деп хабарлайды KazFootball.kz.

Мұхаммеджан «Тараз» сапында 2019 жылдың 15 наурызында «Тобылға» қарсы ойында (1:4) дебют жасады. Қақпашы қазір жамбылдық клубта төртінші маусымын өткізуде, бүгінге дейін 57 матчқа қатысып, 73 гол жіберіп алған.

Айта кетейік, Премьер-лигада «Тараздың» намысын бұған дейін 30 қақпашы қорғаған. 

«Тараз» үшін Премьер-лигада ең көп матч өткізген қақпашылар тізімі:

1. Игорь Жебин - 123 матч;
2. Нәкен Қырықбаев - 83;
3. Игорь Михайлов - 70;
4. Мұрат Мұқашев - 62;
5. Олег Воскобойников - 60;
6. Мұхаммеджан Сейсен - 57;
7. Джурахон Бабаханов - 56.