Мұхамеджан Сейсен «Ақтөбеге» ауыспайды
«Астананың» бас бапкері Григорий Бабаян «Витория Гимарайншпен» болған бәсекеден кейінгі баспасөз-мәслихатында біраз мәселенің төңірегінде сыр шертті.
Қазақстандық маман команданың екінші нөмірлі қақпашысы Мұхамеджан Сейсенге байланысты да бірнеше сауалға жауап берген болатын. Айта кетейік, осыған дейін елордалық қақпашы «Ақтөбе» сапына ауысады деген ақпарат тарады.
«Команданың негізгі ойыншылары келесі маусымда қала ма? Солай шығар деп ойлаймын. Сейсен «Ақтөбеге» ауыса ма? Жоқ, өз басым мұны бірінші рет естіп тұрмын», - деді елордалық бапкер.
Мұхамеджан Сейсен «Астанаға» дейін «Ордабасы» мен «Тараздың» жейдесінде өнер көрсетті. Елордалық клуб бірінші турда сербиялық «ТСЦ Бачка Тополаны» 1:0-мен ұтса, қалған екі кездесуде уэльстің «ТНС» командасы (0:2) мен кипрдің «Пафосынан» ұтылды (0:1). Бесінші турда елордалықтар Алматыда «Челсиді» қабылдамақ. Ал турнирдегі соңғы матчын 19-желтоқсанда Кипрде «Апоэльге» қарсы өткізеді.
Біздің серіктес: FONBET