Неміс Бундеслигасы. Чемпион сүрінді.

Германияның ескі жаңа чемпионы "Альянс-Аренада", "Хоффенхаймды" қабылдады. Өткен турда Берлинде "Гертаны" 2:0 есебімен тізе бүктіріп, онсыз да күмәнсіз чемпиондығын ресми түрде рәсімдеген болатын. 24-ші чемпиондығы "Баварияның"! Онымен қоса 3 жыл қатарынан тақты ешкім берер емес. Тіпті маңына да жуықтатпайды. Маусым басталғаннан таққа жайғасты, ешкімнің уәж айтуға қауқары жоқ. Мықтылар таққа таласпайды, оны қорғайды деген бекер емес-ау!  Чемпионаттағы қалған 7 тур Пеп шәкірттері үшін, Чемпиондар Лигасы мен Герман кубогінің ойындарына репетиция болмақ. Сондай кездесу-бүгін. "Альянс-Аренаға" жанкүйерлер  "Баварияны" жаңа чемпиондығымен құттықтаумен қатар, команданың кезекті қарсыластарын тас-талқан етуін көруге дәмеленіп жиналған болар. Бірақ, Гвардиола алаңға толыққанды негізгі құрамды шығарған жоқ. Әрине, оны түсінуге болады, сейсенбі күні "Манчестер Юнайтедке" қарсы ойын болады. Дәл қазіргі таңда "Манчестер Юнайтедтің" аты мен заты сәйкес келмесе де, қауіптену керек. Жаттықтырушы ауысса да, қауқарсыз болса да, команданың тарихын, рухын, намысын ешкім тартып ала қойған жоқ. Қасық қаны қалғанша шайқасады. Сонау, 1999 жылғы матч "Бавария" жанкүйерлерінің есіңе түссе, ұйқыдан шошып оянары анық. Иә, ол Алекс Фергюсонның командасы еді. Қазір жағдай басқа. Бірақ, тарих қайталанбайды деген заң жоқ. Қайталанбасына кім кепіл? Жә, ол басқа тақырып. Мюнхендегі матчқа оралалық. Біле білсеңіз, "Хоффенхайм" шабуыдауды өте жақсы көретін, онымен қоса оның қыр-сырын жақсы білетін ұжым. Оған дәлел, чемпионатта тоғытқан голдарының саны бойынша, Маркус Гисдол бапбайтын команда "Бавария" мен дортмундтық "Боруссиядан" кейінгі үшінші орында. Бірақ, бір жағы бүтін болса, бір жағы тесік. Бүтіні-шабуылы, тесігі-қорғанысы. Команда тоғызыншы орынға жайғасса да, "Бундеслигада" қақпаларына ең көп гол жіберген команда. Осындай қызық командa! Бірақ, дәл осындай командалар футболға көрік береді, қызықтыра түседі, тартымды етеді. Бүгін де сол білгенінен жаңылған жоқ. Қаншалықты көп гол салса, соншалықты көп гол өткізді. "Бавария" қақпасына салынған 3 гол көптің көбі. Бұл маусымда Еуропада ешқандай команда бұндай жетістігімен мақтана алмайды. 3 гол емес, 1 гол салса 1 жыл тойлайтын командалар да бар. "Хоффенхайм" ондайлардың қатарынан емес! Мюнхенге көп командар секілді, алдын-ала тізе бүгіп, алам десең міне бас деп жалбарыну үшін емес, шайқасу үшін келді. Әрине, ойынның бұндай нәтижемен аяқталуын көбісі, мюнхендіктердің чемпиондықты рәсімдеген соң, мотивацияның жоқтығымен байланыстырса да, "Хоффенхаймның" жетістігін жоққа шығара алмайды. Нәтиженің аты-нәтиже. Ал, соңғы 12 ойын көлемінде жеңіске жетіп келе жатқан "Бавария", бүгін ол стастикасын тоқтатты. Бірақ, бұған бола Гвардиоланы да, ойыншыларды да ешкім табалап, жазғыра қоймас. Бұл-кешірімді. "Хоффенхайм", маусым аяқталған соң, командадағы шабуылдаушы ойыншыларын сақтап қалып, қорғаныстағы проблемаларын шешсе, ендігі маусымда Бундеслигада біз нағыз қайсар ұжымды көретін боламыз.

29 наурыз. Мюнхен. Стадион "Альянц Арена". Төреші- Кристиан Дингерт (Зюдвест). БАВАРИЯ - ХОФФЕНХАЙМ - 3:3 (3:2)  Модест, 23 (0:1). Писарро, 31 (1:1). Шакири, 34 (2:1). Писарро, 40 (3:1). Салихович, 44 (3:2). Роберто Фирмино, 75 (3:3). Бавария Хоффенхайм  Том Штарке  Йенс Граль  Диего Контенто  Андреас Бек  Бонфим Данте  Янник Вестергор  Даниэль Ван Бюйтен  Тобиас Штробль  Марсио Рафинья  Фабиан Джонсон  Бастиан Швайнштайгер  Еуген Полянски  Франк Рибери, 76  Себастьян Руди  Марио Гётце, 46  Сеяд Салихович, 60  Тиаго Алькантара, 25  Роберто Фирмино  Джердан Шакири  Кевин Фолланд, 89  Клаудио Писарро  Антони Модест, 32 Ойын барысында алаңға шыққандар:  Филипп Лам, 25  Тарик Эльюнусси, 32  Марио Манджукич, 46  Кай Эрдлинг, 60  Арьен Роббен, 76  Кенан Караман, 89 Ескертулер:  Бастиан Швайнштайгер, 80  Янник Вестергор, 48    Роберто Фирмино, 76

Негізі дортмундтық "Боруссия" да қайсар ұжым! Тек, Бавариямен иық тірестіре қарсыласуына көптеген факторлар себеп. Командада, мюнхендік алпауытпен салыстырғанда, жұлдызды ойыншылардың аз болуы, екі-үш алаңда шайқаса алатындай мүмкіндік берер қосалқы құрамның мықты болмауы. Ол түгіл, негізгі құрамның ойыншыларын жарақат шыр айналып жүреді. Әйтпесе, "Боруссия" өте қайсар ұжым, ал Клопп-нағыз футболдың философы! Кез келген ойыншының тілін таба біледі. Оны командасына кез келген ойыншының бағы жанбаса, жұлдызы сөнген емес. Бүгін де, қайсарлығын танытты. "Штутгарттан" қонақта, 0:2 есебімен жеңіліп жатып, аяғында жеңісті жұлып әкетті.

29 наурыз. Штутгарт. Стадион "Мерседес-Бенц". Төреші - Михаэль Вайнер (Гюйсен). ШТУТГАРТ - БОРУССИЯ Д - 2:3 (2:1)  Гентнер, 9 (1:0). Харник, 19 (2:0). Ройс, 30 (2:1). Ройс, 68 - пенальтиден (2:2). Ройс, 82 (2:3). Штутгарт Боруссия Д  Свен Ульрайх  Роман Вайденфеллер  Артур Бока  Эрик Дурм  Георг Нидермайер  Матс Хуммельс  Антонио Рюдигер  Сократис Папастатопулос  Даниэль Швааб  Кевин Гросскройтц  Карлос Груэсо  Оливер Кирх, 60  Кристиан Гентнер  Генрих Мхитарян, 60  Мартин Харник, 86  Йонас Хофман, 76  Даниэль Дидави, 60  Себастьян Кель  Ибрагима Траоре, 70  Марко Ройс  Ведад Ибишевич  Роберт Левандовски Ойын барысында алаңға шыққандар:  Александру Максим, 60  Нури Шахин, 60  Готоку Сакаи, 70  Пьер-Эмерик Обамеянг, 60  Какау, 86  Милош Йойич, 76 Ескетулер:  Георг Нидермайер, 63  Оливер Кирх, 35    Кевин Гросскройтц, 90+6  Георг Нидермайер, 67(қызыл қағаз)

Неміс Бундеслигасының 28-ші турының қалған ойындарының нәтижелерімен таныс болыңыздар; Шальке-Герта-2:0 Голдар: Обаси, 16 (1:0). Хунтелар, 46 (2:0). Байер-Айнтрахт Б-1:1 Голдар: Райхель, 47(0:1).  Кисслинг, 53(1:1, пенальтиден) Вольфсбург-Айнтрахт Ф-2:1 Голдар: Айгнер, 11(0:1).  Олич, 69(1:1). Нальдо, 89(2:1).  Майнц-Аугсбург-3:0 Голдар:  Бунгерт, 23(1:0). Хитц, 39(2:0, өз қақпасына). Гайс, 83(3:0). 

Турнир кестесі.

М  Клуб ойын жеңіс тең жеңіліс доп айырымы ұпай 1  БАВАРИЯ 28 25 3 0 82-16 78 2  БОРУССИЯ Д 28 17 4 7 62-31 55 3  ШАЛЬКЕ 04 28 16 6 6 53-37 54 4  БАЙЕР 28 15 3 10 47-34 48 5  ВОЛЬФСБУРГ 28 14 5 9 48-42 47 6  МАЙНЦ 28 13 5 10 41-43 44 7  БОРУССИЯ М 27 12 6 9 46-33 42 8  АУГСБУРГ 28 11 6 11 40-43 39 9  ХОФФЕНХАЙМ 28 9 9 10 63-62 36 10  ГЕРТА 28 10 6 12 36-39 36 11  АЙНТРАХТ Ф 28 8 8 12 35-48 32 12  ГАННОВЕР 27 8 5 14 35-49 29 13  ВЕРДЕР 27 7 8 12 31-53 29 14  НЮРНБЕРГ 27 5 11 11 32-49 26 15  ФРАЙБУРГ 27 6 8 13 30-48 26 16  ГАМБУРГ 27 6 6 15 42-56 24 17  ШТУТГАРТ 28 6 6 16 42-57 24 18  АЙНТРАХТ Б 28 5 7 16 25-50 22

  Фараби ӘБДІХАЛЫҚ