Қазақстан құрамасы мен ресейлік «Зениттің» қорғаушысы Нұралы Әліп Meta-ratings.kz тілшісіне берген сұхбатында УЕФА Ұлттар лигасы матчтарына дайындық барысы туралы айтып берді.
- Нұралы, команданың оқу-жаттығу жиынына кеш қосылдың. Хал-жағдайың халай?
- Ұлттық құрама сапында болғаныма, еліміздің басты командасында осы атмосфераны қайта сезінгеніме қуаныштымын. Туған жерімді, туған-туыстарымды, достарымды сағындым, осында жақсы көңіл-күймен келдім. Командаластарды көргеніме қуаныштымын. Менің және команданың көңіл-күйі керемет. Ұлттар лигасының жаңа маусымын сәтті бастағымыз келеді.
- Ұлттық құрамадағы күндеріңіз қалай басталды?
- Біз алдағы қарсыластардың матчтарын, бейнематериалдарды тамашаладық. Жаттықтырушылар штабы бұған дейінгі матчтарда жіберген қателіктерімізге назар аударды. Алдағы уақытта мұндай қателіктерге бой алдырмай, Әзірбайжанға қарсы ойында жеңіске жетеміз деп сенемін.
- Әзірбайжан құрамасы мықты қарсылас па?
- Мен солай ойлаймын, өйткені олардың құрамында шетелдік клубтарда ойнайтын футболшылар бар. Ешкімді бағаламауға болмайды. Барлық қарсыластармен соңғы матчқа шыққандай ойнауымыз қажет.
- Ал топтағы ең мықты қарсыласымыз кім?
- Словакия екені ешкімге құпия емес. Оның үстіне біз олармен екі рет ойнауымыз керек. Мұндай қарсыласпен күш сынасу қызық болайын деп тұр. Бірақ топтағы басқа командалар да осал емес.
– Марек Гамшик ұлттық құрамадағы мансабын аяқтады. Бұл Словакия үшін үлкен шығын ба?
- Одан бөлек те Словакия құрамасының ойынын жүргізетін футболшылар аз емес. Олар өте қауіпті.
- Он бір күнде төрт матч өткізу ауыр жүктеме болайын деп тұр.
- Барлық командалар тең дәрежеде. Кім бұл жүктемеге жақсы бейімделсе, сол топта көбірек ұпай жинайды.
- Біздің командаға жаңа бас бапкер келді. Онымен бірге жұмыс істеу қалай екен?
- Бізде өз ісін жақсы білетін білікті бапкерлер құрамы бар. Адиев бізге жаңа тактика, жаңа стиль әкелді. Бас бапкердің тапсырмасын орындап, команда үшін барынша пайдалы болу – басты міндетіміз.
- Бақылау матчындағы жеңіс командаға жақсы көңіл-күй сыйлай ма?
- Бұл жай ғана біздің дайындығымызды тексеру үшін берілген мүмкіндік болды.
- Әзірбайжанға қарсы ойында көп нәрсе жанкүйерлерге байланысты болмақ.
- Мен бұл пікірмен келісемін. Көрермендер стадионды толтырып, бізді қолдаса екен деймін. Жанкүйерлердің қолдауы біз үшін маңызды. Қиын матч болады, бірақ біз жеңіске жетіп, жерлестерімізді қуанту үшін барымызды саламыз.