Metaratings.ru сайтының хабарлауынша, «Қайраттың» бас бапкері Құрбан Бердыев «Зениттің» тәлімгері Сергей Семакқа алматылық клубтың қорғаушысы Нұралы Әліпті қысқы оқу-жаттығу жиынына шақыруды ұсынған. Бұған дейін Семак «Рубин» сапында Бердыевтің жетекшілігімен өнер көрсеткен еді.
Егер «Зенит» ойыншыны сатып алғысы келсе, онда ресейлік клубтың төлейтін сомасы оның келісім-шартында өтемақы ретінде көрсетілген бес миллион еуродан әлдеқайда аз болады. Футболшы «Зениттің» 13-25 қаңтар аралығында Дубайда өтетін алғашқы оқу-жаттығу жиынына қатысады.
«Қайрат» жейдесінде Әліп 99 матч өткізіп, бес гол мен төрт нәтижелі пастың авторы атанды. Орталық қорғаушы 2019/20 жылғы маусымда Қазақстан чемпионы атанды, оның клубпен келісім-шарты 2023 жылдың желтоқсанына дейін жарамды. Transfermarkt порталы 22 жастағы ойыншының нарықтық құнын 1,7 миллион еуроға бағалап отыр.
Біздің серіктес: FONBET