“Олимпиакос” командасы Грекия чемпионатында кезекті матчын өткізді

Агринион қаласында өткен ойындағы жалғыз голды “Олимпиакос” сапынан Аюб Эль-Кааби соқты. Матч барысында қарсылас қақпасына жалпы алғанда 24 соққы жұмсаған Пирей ұжымы осылайша Суперлигадағы кезекті 3 ұпайына қол жеткізді. Бұған дейін “Олимпиакос” “Атромитостан” 3:0 есебімен айласын асырды.

Еске салсақ, 9 желтоқсан күні елордамыз Астана қаласында “Қайрат” командасы дәл осы “Олимпиакосты” еурокубок аясында қонақ қылады. Матчты стадионнан тамашалауға мүмкіндігі жоқ жанкүйерлер ұлттық телеарналар тікелей эфирінен бұл ойынды сағат 20:30-да көре алады. 

Айтпақшы, аталған кездесуде алматылық команда бүгінде мезгілсіз өмірден өткен бапкер Кирилл Кеккер құрметіне арнап, траур лентасын тағып шығатын болады.