Шымкенттік «Ордабасы» Еуропа Лигасына іріктеу кезеңінің бірінші турында румыниялық «Ботошаниден» жеңіліп қалды.
Ойын Қажымұқан Мұңайтпасов атындағы стадионда өтті. Бірінші таймнан кейін 2:1 есебімен қонақтар алға шықты. 25 минутта «Ботошаниде» австриялық қорғаушы Марсель Хольцман гол соқты, ал 33-ші минутта хорватиялық шабуылшы Марко Дуганджич мергендік танытты. Ал "Ордабасы" сапынан Май Махлангу 31-минутта көзге түсті.
Одан бөлек, «Ордабасы» 12-минутта пенальтиді орындай алмады - сенегалдық жартылай қорғаушы Абдулай Диакатенің соққысын қақпашы Эдуард Пап қайтарды.
Осылайша, келесі кезеңге Румыниялық команда шықса, шымкенттік "Ордабасы" жарыс жолын бірінші кезеңнен аяқтады.
Біздің серіктес: FONBET