«Ордабасының» бас бапкерін әкім тағайындамақ
«Ордабасының» бас бапкерін таңдаудағы негізгі сөзді Шымкент қаласының әкімі айтатын болыпты.
Қазір шаһар басшысы Ғабит Сыздықбеков молдовалық маман Андрей Мартин мен қазақстандық бірқатар бапкердің арасынан бас бапкерді таңдап жатыр деген ақпарат бар. Айта кетейік, «Ордабасының» тізгінін жазда шымкенттік ұжымды ЧЛ іріктеуінде жеңіп кеткен «Петрокубтың» бас бапкері Андрей Мартин ұстауы мүмкін деген ақпарат тараған. Сондай-ақ, үміткерлер арасында «Атырауды» тізгіндейтін беларусиялық Виталий Жукаовский мен «Жетісудың» жаттықтырушысы Қайрат Нұрдәулетовтің де есімі жүр. Осы демалыста Қ. Нұрдәулетовтің Шымкентке барып, келіссөздер жүргізгені жайлы да сыбыстар тараған еді. Алайда, әзірге ешқандай нақтылық жоқ.
«Ордабасы» былтыр ҚПЛ-де топ жарды. Биыл Кирилл Кекердің басшылығымен клуб төртінші орынға табан тіреді.
Біздің серіктес: FONBET