Өз клубына керек болмай қалған ТОП-5 ойыншы

Тура бір айдан кейін Еуропада трансферлік терезе жабылады. Клубтар біртіндеп қажетсіз ойыншылардан арылуда. Олардың арасында Еуропа чемпионатында жаңа команда таба алмайтын жұлдыздар да бар. Олар MLS-ке және Таяу Шығысқа ауысуы мүмкін, өйткені Еуропада олар ешкімге керек емес. Біз осындай мәселеге тап болған бес үздік ойыншыны жинадық.

Гарет Бэйл ("Реал Мадрид")

Уэльстік футболшы өткен маусымдағы жанкүйерлердің көңілін қалдырған басты ойыншылардың бірі болды. Гарет Зиданмен қарым-қатынасын үзді. Мадридтік «Реалдың» бас бапкері оны қосалқы құрамда қалдыра бастады, кейінірек Зидан Бэйлдің маусымның соңғы матчтарында ойнағысы келмейтінін түсіндірді. Бір жыл бұрын "Реал" 31 жастағы уэльстік шабуылшыны Қытай клубына сатудан бас тартқан. Сол кезде ол «Цзянсу Сунинмен» жылына 22 миллион еуро жалақыны құрайтын үш жылдық келісімшартқа отыруға жақын болды, бірақ Мадридтік клуб трансферді бұғаттады.

Енді «Реал» шабуылшыдан құтылғысы келеді, бірақ оған ұсыныстар түскен жоқ. Мұның бәрі жоғары трансферлік шығындар мен футболшының жалақыға деген жоғары талабына байланысты. Немістің Transfermarkt порталы Бэйлді 28 миллион еуроға бағалады. Гареттің өзі жақында Мадридтік клубтан кету нұсқаларын әлі де болса қарастыруға дайын екенін айтты. Ал Уэльс құрамасының бас бапкері Райан Гиггз Бэйлды Ұлттар лигасының матчтарына шақырып жүр.

Самуэль Юмтити ("Барселона")

Испания баспасөзінің хабарлауынша, "Барселонаның" жаңа бас бапкері Рональд Куман келесі маусымда Юмтитиге сенбейтінін айтқан. Каталондық клуб Юмтитиді сатқысы немесе жалға бергісі келеді, бірақ әзірге ойыншыға нақты ұсыныстар алған жоқ. Кеше Mundo Deportivo Cadena SER-ге сілтеме жасап, клуб басшылығы тіпті француз қорғаушысымен келісімшартты бұзу туралы ойланып жатқанын хабарлады. Егер бұл орын алса, Самуэль Луис Суарес пен Артуро Видалға еріп, «Барсаның» тегін кетуіне рұқсат берген үшінші ойыншысы бола алады.

Француздың өзі каталондық клубтан кеткісі келмейді. 26 жастағы жігіттің қазіргі келісімшарты 2023 жылдың маусымына дейін жасалған, ал Transfermarkt Юмтитиді 32 миллион еуроға бағалап отыр.

Месут Озил ("Арсенал")

«Арсенал» тарихындағы ең көп жалақы алған футболшы мансабындағы ең нашар маусымды өткізді. Премьер-лиганың 2019/2020 маусымында Месут небәрі 18 кездесу өткізіп, бір гол соғып, екі нәтижелі пас берді. Озилдің өзі The Athletic басылымына берген сұхбатында Артета маусым барысында оны сирек шығарғанына көңілі қалғанын айтқан болатын.

Шілде айында Месут «Фенербахченің» ұсынысынан бас тартты, ал бір күн бұрын Fanatic басылымының хабарлауынша, "Аль-Наср" 31 жастағы футболшыға жылдық жалақысы 20 миллион доллар болатын келісімшарт ұсынды.

Озил «Арсеналдан» кетуге құлшынып отырған жоқ, өйткені ол аптасына 350 мың фунт немесе бір маусымда 20 миллион еуро алады. Ол Лондонда қалып, келесі маусымда аяқталатын келісімшартты пысықтағысы келеді. Шамасы, «Арсенал» неміс ойыншысын ешқашан басқа клубқа сата алмайды, ал Озилдің өзі командадан еркін агент ретінде кеткісі келеді. Transfermarkt Месутты тек 12 миллион еуроға бағалауда.

Тома Лемар ("Атлетико")

2018 жылы "Атлетико Мадрид" Лемар үшін 70 миллион еуро төледі. Бірақ екі маусымда француз ойыншысы төленген ақшаны ақтай алған жоқ. Ла Лиганың соңғы маусымында Тома бірде-бір тиімді әрекетпен көзге түскен жоқ. Енді Симеоне 24 жастағы жартылай қорғаушыны сатқысы келіп отыр.

Marca FootMercato-ға сілтеме жасап хабарлағандай, Лемар жақында "Портуға" ауысудан бас тартқан екен. Футболшы мансабын Премьер-лигада немесе Лига 1-де жалғастырғысы келеді, бірақ ол жақтан әлі ұсыныстар болған жоқ. Футболшының «Атлетикомен» келісімшарты 2023 жылдың маусым айына дейін жарамды, ал Transfermarkt Лемарды 24 миллион еуроға бағалады. «Атлетико» басшылығы Лемар үшін әлдеқайда көп соманы талап ететіні сөзсіз. 70 миллионға келген ойыншы бірде-бір тиімді әрекет жасаған жоқ. Бұл - Тома Лемардың апатты маусымы

Гонсало Игуаин ("Ювентус")

Туриндік клубтың жаңа бас бапкері Андреа Пирло клуб пен ойыншы осы маусымда өз жолдарымен кететінін көпшілік алдында жариялады. Журналист Джанлука Ди Марционың айтуынша, «Ювентус» аргентиналық шабуылшымен келісімшартты бұзу үшін жұмыс жасауда. Игуаин келісімді бұзғаны үшін келесі жылдың маусымына дейін клубтан өтемақы алуы керек. Бұл ақпаратты Гонсалоның ағасы және агенті Николас Игуаин растады.

Football Italia хабарлағандай, аргентиналық шабуылшы мансабын Давид Бекхэмнің «Интер Майами» клубында жалғастырады. Бұған дейін бұл клубқа Игуаиннің бұрынғы командаласы Блез Матюиди ауысқан болатын.