Өзбекстан Ресей құрамасымен ойнаудан бас тартты
Өзбекстан футбол құрамасы 2026 жылғы Әлем чемпионатының қарсаңында Ресей құрамасымен жолдастық кездесу өткізуден бас тартты, деп хабарлайды Aladop.kz.
Бұл туралы федерация вице-президенті, танымал төреші Равшан Ирматов ресми мәлімдеме жасады.
Журналистердің "Жақын арада Ресеймен жолдастық матч өткізу мүмкіндігі қарастырылып жатыр ма?” деген сұрағына Ирматов қысқа қайырып: "Жоқ, ондай жоспар қарастырылып жатқан жоқ" – деп жауап берді.
Мамандардың пікірінше, бұл бас тартудың бірнеше себебі болуы мүмкін:
– ФИФА рейтингі мен санкциялар: Ресей құрамасы халықаралық жарыстардан шеттетілгендіктен, олармен ойнау ресми рейтингке немесе халықаралық беделге әсер етпейді.
– Дайындық кестесі: Өзбекстан құрамасы Әлем чемпионаты алдында тек ресми турнирлер мен ФИФА күнтізбесіне сәйкес келетін, деңгейі жоғары қарсыластармен ойнауды басымдыққа алып отыр.
– Стратегия: Бапкерлер штабы 2026 жылғы додаға дайындық үшін басқа өңірлердің (Америка немесе Еуропа) стильдеріне ұқсас командаларды таңдамақ.
Бұған дейін Ресей мен Өзбекстан құрамалары 2022 жылдың қарашасында Ташкентте кездесіп, ойын 0:0 есебімен тең аяқталған болатын.
Біздің серіктес: FONBET