“Пафос” бапкері: “Үш ұпайға үміттендік, бірақ нәтижеге разымыз.”

“Әрине, ойыннан қуылған футболшы бәріне әсер Біз бұл кездесуге басқаша жоспар құрған едік, үш ұпай алуды көздедік. Соған қарамастан, қорғаныста сенімді ойнадық, тіпті үш-төрт нақты мүмкіндік туғыздық. Бір гол да соққан едік, бірақ ол есепке алынбады.”

Испаниялық маман командасының мінезі мен төзімділігін ерекше атап өтті:

"Менің ойыншыларымның бойында мінез бар. Олар соңына дейін күресті, берілмеді. Жалпы алғанда, бұл нәтиже біз үшін жаман емес. Дегенмен, 11-де 11 ойнағанда өз шынайы деңгейімізді көрсете алар едік.” – деді ол.

“Қайраттың” агрессивті ойынына тоқталып, қарсыласқа құрметін білдірді:

"Біз бастапқы жоспарымызды орындауға тырыстық. "Қайрат” өте агрессивті команда екенін білдік. Барлық ойымызды толық жүзеге асыра алмадық, бірақ біз барымызды салдық. Бұл — мықты қарсылас, стадиондағы атмосфера да тамаша болды.” – деді Карседо.

Сондай-ақ ол “Қайраттан” ерекше бір ойыншыны бөліп атаудан бас тартты:

"Бұл командада бәрі бірдей күшті. Біреуді жеке бөліп айту қиын. Олар жылдам және ұйымдасқан ойын көрсетті, бірақ біз оларға өз стилін толық көрсетуге мүмкіндік бермедік.” – деп бағалады бапкер.

Атақты қорғаушы Давид Луиздің ойыны жайлы да пікір білдірді:

"Ол бізге үлкен көмек көрсетіп жүр. Оның тәжірибесі — біздің басты артықшылығымыз. Бүгін де ол маңызды рөл атқарып, командаға бір ұпай алып келуге сеп болды.” – деді Хуан Карлос Карседо Vesti.kz сайтына берген сұхбатында.