Көкшетаулық «Оқжетпес» командасының қорғаушысы Пламен Димов клубтың баспасөз қызметіне берген сұхбатында Премьер-Лиганың 11-туры аясында «Қайратпен» өткен матч туралы пікірімен бөлісті. ⠀
- Пламен, чемпионат көшбасшысымен тең түскеннен кейін қандай сезімдесіз? ⠀
- Ойын керемет болды. Біз жеңуіміз де, жеңілуіміз де мүмкін еді. Менің ойымша, тең нәтиже - әділ болып табылады. Мүмкін, «Қайрат» бұл матчта еш қиналмай жеңіске жетеміз деп ойлаған шығар, бірақ біз өзіміздің сапалы команда екенімізді дәлелдедік. Мінез көрсете білдік. Бұл жоғары жетістікке қадам деп үміттенеміз. Алда жауапты матчтар күтіп тұр. ⠀
- Сіз бұл кездесуде маңызды гол соға алдыңыз. ⠀
- Біз жаттығуда стандартта ойнаудың көптеген нұсқаларын қарастырдық және мұны ойында қайталау үшін мүмкіндігіміз болатындығын білдік. Мен гол соққаныма қуаныштымын. Бұл жеңіс, ең алдымен, бірқатар сәтсіздіктерден кейінгі психологиялық сенімділік үшін маңызды. Ең бастысы, біз мықты қарсыластан ұпай алдық. Кімнің гол соғатыны маңызды емес. Біз бір командамыз және әрқайсысымыз оң нәтижеге лайықпыз.
Еске сала кетейік, «Оқжетпес» - «Қайрат» матчы Талғар қаласындағы Ұлттық құрамасының базасында өтіп, 3:3 есебімен аяқталған болатын. Бұл жеңіліске қарамастан, 25 ұпаймен алматылық клуб көш басында қала берді, ал алты ұпайға ие болған "Оқжетпес" командасы оныншы орында тұр.
Біздің серіктес: FONBET