"Галатасарай" 30- жастағы неміс футболшысы үшін 4 миллион еуро төлеп, төрт жылдық келісім- шартқа отырды.
Германия құрамасының шабуылшысы Лукас Подольски түркиялық "Галатасарай" клубына ауысты. Подольски Түркияға кетпес бұрын "Арсенал" неміс футболшысын италиялық "Интер" клубына маусым соңына дейін жалға берген болатын.
Подольски Германия ұлттық құрамасы сапында 122 матчқа қатысып, 48 голдың авторы атанған. Екі әлем чемпионатының(2006, 2010) қола жүлдегері. Бразилияда(2014) өткен мундиалдың жеңімпазы.
Жанкүйерлер жадында жойқын соққыларымен, әдемі голдарымен есте қалған шабуылшы "Арсенал", "Интер", "Кёльн", "Бавария" клубтарында ойнаған.
Ерден НҰРАХМЕТ