Америкалық Amazon Prime интернет-видео қызметі «Манчестер Юнайтедтің» жартылай қорғаушысы Поль Погбамен деректі сериал түсіру туралы келісімге келді, деп хабарлайды ВВС.
Сериалдың алғашқы бөлімі 2021 жылы шығады деп жоспарланған. Фильм Погбаның футбол алаңынан тыс жердегі өмірі туралы болмақ.
«Погбаның матч кезінде не істей алатындығын бәріміз білеміз. Бірақ оның футболдан тыс өмірі көпшілікке беймәлім. Погбаны өз заманының талантты ойыншысы деп айтуға болады. Ол тұтас бір ұрпақтың кумирі», - деді Amazon-ның жетекшісі Джорджии Браун.
Осы маусымда француз футболшысы «Манчестер Юнайтед» сапында 21 матч өткізіп, 3 гол соқты, 2 нәтижелі пас берді. Жыл басында жартылай қорғаушы командадан кетуі мүмкін деген ақпараттар тараған болатын.
Біздің серіктес: FONBET