Португалиялық жұлдызды Роналдудың ерлігі шабыттандырды ма?
Fox Sports спорттық порталы Нанидің мансабын қайта жаңғыртып, Қазақстандық "Ақтөбе" клубына ауысуына не түрткі болғанын саралады, деп хабарлайды Aladop.kz.
Басылымның пайымдауынша, Нани бұл қадамға өзінің отандасы әрі бұрынғы командаласы Криштиану Роналдудың футболға деген өшпес құштарлығын көріп бел байлаған болуы мүмкін.
Роналду – жасқа бағынбайтын рекордшы
"Манчестер Юнайтед" пен Португалия құрамасында Нанимен бірге өнер көрсеткен Криштиану Роналду қазір 40 жасқа таяса да, әлі де жоғары деңгейде ойнап жүр. Жақында ол Сауд Арабиясының "Әл-Наср” клубымен келісімшартын 2027 жылға дейін ұзартты. Бұл – Роналдудың әлі де үлкен мақсаттарды көздейтінінің айқын дәлелі.
Басты мақсат – 2026 жылғы Әлем чемпионаты
Мақала авторларының айтуынша, Роналду 2026 жылы өтетін Әлем чемпионатында Португалия құрамасын бастап шығуды жоспарлап отыр. Оның басты арманы – өзінің коллекциясына жетіспей тұрған жалғыз алтын кубокты қосу. Егер ол бұл белесті бағындырса, футбол тарихындағы ұлы ойыншы ретінде өзінің мәңгілік бәсекелесі Лионель Мессиден оқ бойы озып кетпек.
Нанидің жаңа белесі
Дәл осындай жасқа қарамастан биік белестерді бағындыруға болады деген сенім Наниге де күш бергендей. Оның "Ақтөбе" сапына қосылу мүмкіндігі тек Қазақстандық жанкүйерлер үшін ғана емес, халықаралық спорт қауымдастығы үшін де қызықты жаңалық болып отыр.
"Егер Роналду 40 жасында әлемдік деңгейде доп теуіп жүрсе, Нанидің де Қазақстан чемпионатында жаңа қырынан көрінуіне толық мүмкіндігі бар." — деп жазады басылым.
Біздің серіктес: FONBET