Англия Премьер-лигасы өз сайтында өткен маусымның ең үздік ойыншысы атағына үміткерлердің тізімін ұсынды.
Бұл тізімге жоғары деңгейде өнер көрсеткен сегіз футболшы кірді: Кевин Де Брюйне, Рубен Диаш (екеуі де "Манчестер Сити"), Бруно Фернандеш ("Манчестер Юнайтед"), Джек Грилиш ("Астон Вилла"), Гарри Кейн ("Тоттенхэм"), Мэйсон Маунт ("Челси"), Мохамед Салах ("Ливерпуль"), Томас Соучек ("Вест Хэм Юнайтед").
Еске салайық, Премьер-лиганың аяқталған маусымында "Манчестер Сити" чемпион атанды. Соңғы турда Салахты басып озған Гарри Кейн үздік сұрмерген атанды (23 гол). Сондай-ақ Англия құрамасының шабуылшысы 14 мәрте командаластарының көзге түсуіне мүмкіндік жасап, үздік ассистентке берілетін сыйлықты да қанжығасына байлады.
Жанкүйерлер мына сілтеме арқылы үздік деп тапқан футболшысына дауыс бере алады.
Біздің серіктес: FONBET