Алматылық «Қайрат» Қазақстан премьер-лигасы қайта бастағаннан кейін алғашқы болған матчта ақтаулық «Каспийді» ойсырата жеңді.
Төртінші тур ойыны бүгін, 18 тамызда ұлттық құраманың Талғардағы базасында өтті және қонақтардың пайдасына 3:0 есебімен аяқталды.
Матчтың алғашқы голын тоғызыншы минутта Гүлжігіт Алыкуловтың алып келген пенальтиінің арқасында Нұралы Әліп соқты, ал 52-ші минутта айып алаңына асырылған пасты баспен қақпаға бағыттаған Әліп дубль жасады.
Қорғаушы соққан голдарын атап өтпеді - 20 жастағы Әліп Ақтауда туып, «Каспий» мектебінде футбол ойнай бастаған. 81-минутта шабуылшы Артур Шушеначев матчтың нүктесін қойды, оған «Қайрат» сапында дебют жасаған Вагнер Лав нәтижелі пас берді.
Бразилия құрамасының бұрынғы шабуылшысы екінші таймда Абат Айымбетовтің орнына шықты. Осылайша, 12 ұпаймен «Қайрат» жеке-дара көш бастады. Ал ақтаулық "Каспий" кестенің соңғы сатысына сырғыды.
Біздің серіктес: FONBET