Футзалдан Қазақстан ұлттық құрамасы Еуро-2022 турниріне іріктеу кезеңіндегі екінші жеңісіне қол жеткізді,
Бүгін, 2 наурызда Кака шәкірттері Нұр-Сұлтанда Беларусь құрамасын қабылдады және 5:2 есебімен жеңіске жетті. Қазақстан ұлттық құрамасы сапында Шыңғыс Есенаманов (3', 22'), Біржан Оразов (9'), Лео (15') және Дәурен Тұрсағұлов (29') мергендігімен көзге түсті.
Естеріңізге сала кетейік, 5-топтағы алғашқы ойында Қазақстан Венгрияны ірі есеппен (5:0) жеңген болатын. Қазақстанда тағы төрт іріктеу матчы қалды - 8 наурызда Беларусь құрамасына қонаққа барады, 6 сәуірде Венгриямен, ал 9 және 13 сәуірде Израильмен екі рет ойнайды. Қазақстан мен Израиль арасындағы екі кездесу де Нұр-Сұлтанда өтеді.
Біздің серіктес: FONBET