Қазақстан футбол федерациясының «Оңтүстік» футбол Академиясының ашылу салтанатына шақырамыз

Қазақстан футбол федерациясы 1 желтоқсанда сағат 11:00-де өтетін Қазақстан футбол федерациясының «Оңтүстік» футбол Академиясының ашылу салтанатына шақырады. Ашылу салтанаты өтетін орын: ОҚО, Шымкент қаласы, «Тассай» мөлтек-ауданы, 225 квартал, «Биік» спорт кешені. Анықтама: «Оңтүстік» футбол Академиясы Қазақстан футбол федерациясының бастамасымен, мемлекеттік және дербес серіктестік негізінде құрылды. Бүгінгі күнге Испанияның «Барселона» футбол мектебінің бес маманы оңтүстік аймақтарды аралап, 10 мен 14 жас аралығындағы 600 ден аса баланы іріктеуден өткізді. Үздік деп танылған 65 бала жас ерекшеліктеріне қарай 22 адамнан үш топқа бөлініп жаттығуларын бастап кетті. Қаңтар айында 2004 жылы туылған тағы 22 бала қатарға қосылады. Ал 2017 жылы жыл сайын бір топтан қосып отыру жоспарланған. Болашақта осы жас футболшылар Ұлттық құраманың негізін қалайды!