Қазақстан құрамасы Косовомен жолдастық матч өткізетін болды. Екі елдің федерациялары арасында жолдастық кездесу өткізу туралы келісімге қол қойылды.
Матч 4 маусым күні Косово астанасы Приштинадағы «Фадиль Вокри» стадионында өтеді.
Косово құрамасы ФИФА рейтингінде 120-шы орында тұр. 2016 жылы мамыр айында Косово құрамасы ресми түрде УЕФА мен ФИФА-ның мүшесі болды. Косово біздің құраманың тарихында 69-шы қарсылас болады. Еуропалық құрамалардың ішінен Косово 40-шы қарсылас болады.
2018 жылдан бастап Косово құрамасын швейцариялық маман Бернар Шалланд жаттықтырады. Қазіргі Косово құрамасынан Ведат Мурики, Самир Уйкани, Амир Рахмани және басқаларын атап көрсетуге болады.
Біздің серіктес: FONBET