Қазақстан құрамасына алынуы мүмкін еуропалық ойыншылар

Біздің футбол жанкүйерлер натурализация құбылысына оңды пікір қалыптастыра алмады. Құрамаға келген шет елдік ойыншы ойнап кете алама деген күдік күдерлерінен үзілмей барады. Жалпы жоғарыда аты аталған ойыншылардан мен Марио Фернандесті бөліп жарып айтқым келеді. Фернандестің ойындағы шеберлігіне өз басым таңырқай қараймын. Ол “селесаоның" бастапқы құрамына еніп кете алатындай шамасы бар. Алайда біздің елдің атынан алаңға шығуды құп көріпті.

Ары қарай не болмақ? Натурализация уақытша дүниеме, әлде әрі қарай қарай жалғасын тауып жемісін беретін құбылыспа?

Александр Еремеефф, 25 жас, (азаматтығы – Швеция, командасы – "Динамо Дрезден", Германия)

Нағашы жұрты орыс футболшы Швецияның екі дүркін чемпионы. Бұдан бұрын Александр «Спартактың» жаңа ойыншысы Джордан Ларссонмен сұрмергендер көшінде иық тіресіп келген етін. Еремеефф жазда екінші Бундеслига командасының намысын қорғауға келісіп, сонда ауысып кетеді. Онда ол нәтижелілігімен көзге ілігеді. Әзірше Александр Швеция ұлттық құрамасы үшін бар-жоғы 1-ақ ойын өткізді. Оның өзі ресми матч емес. ФИФА ережесіне сәйкес футболшы ұлттық құрамасын ауыстыруға құқығы бар. Еремеефф әуедегі бәсекеде жақсы. Егер бұл ойыншымен келісімге келсек, құрама ойынын күшейтері анық.

Антон Вальдемар, 23 жас, (азаматтығы – Германия, командасы “Ганновер 96”, Германия)

Бұл жігіт жайлы қауөсеттер ғаламтор желісінде жетіп артылады. Вальдемар «Ганновердің» қымбат ойыншысы. Соңғы кездері Антонның командасы сәтсіз өнер көрсетіп жүр. Асар асуы алда жас қорғаушыны ұлттық құрамада асыға күтеміз.

Эдуард Левен, 22 жас, (азаматтығы – Германия, командасы “Герта", Германия)

Ал енді Бундеслига өкілімен таныс болыңыздар. Эдуард Левен орталық жартылайқорғаушы позициясында өнер көрсетеді. Бұл футболшыны негізгі құрамның ойыншысы деп айта алмаймыз. Осы маусымда 3 ойын өткізген Левен әлі жас. Жас болғандықтан әлеуеті командаластарына қарағанда басым. Эдуардтың бастапқы құрамға жиі ілінбей қалу себебі бар. Ол жоғары бәсекелестік. “Ливерпуль” дарыны Марко Груич пен чех Владимир Дарида барда Левеннің бастапқы құрамға кірмей қалу факторын түсіністікпен қарауымыз керек секілді. «Гертаның» екінші командасында Максимилиан Проничев ойнайды. Кезінде «Зенит» сапында сәтсіз оқу жаттығу жиынын өткізген Проничевке де Левенге де айтар кеңесіміз жоғарыдан емес төменнен бастаса нұр үстіне нұр болар еді. Екінші команданың деңгейін еңсерген футболшы негізгі ұжымның сенімін жаулауға тырысады. Бір жақсысы жігіттердің жағдайы қазір де позитивті. Лигада гол соғып көзге түсіп жүр. Жігіттердің прогрессіне сенеміз.

Виталий Янельт, 21 жас, (азаматтығы – Германия, командасы «Брэнтфорд», Англия)

Виталий орыс аудиториясына таңсық тұлға. Жігіт жас. Қазірде түрлі ұлттық құрамалар Янельтті өзіне тартуда. “Бохумның" негізгі құрамының ойыншысы өте әмбебап. Қорғаныстың кез-келген жағында ойнай береді. Виталий команданы қолғапша ауыстырады. Соңғы кездері ғана «Брентфордта» тұрақтап жүр. Аяқдопшының ендігі мақсаты жаңа командасымен жаңа деңгейге көтерілу.

Қорытынды

Германияда жалпы Қазақстан құрамасына алынатын ойыншылар өте көп. Мысалы «Вердер» академиясының түлегі Марсель Кляйн туралы да әңгіме өрбітуге болады. Оның шешесі Диана есімді қазақтың қызы. Шешесі Түлкібастың тумасы. Міне, осындай тағдыры бар адамдар Германияда өте көп. Қазақстанда жас ойыншылар өсіп шыққанша осындай дайын футболшыларға сенім артып көргеніміз де дұрыс шығар?