Нұрлан Даиров, Ілияс Әмірсеитов және Владимир Плотников "Арыс" клубының оқу-жаттығу жиынына қосылды. Бұл туралы команданың баспасөз қызметі хабарлады.
Нұрлан Даиров өткен маусымда "Қайрат" сапында өнер көрсетті. Бірақ негізгі құрамнан өз орнын таба алмады. Бар-жоғы екі ойынға қатысып, бір қызыл қағаздың авторы атанды.
Ал Ілияс Әмірсеитов өткен маусымды "Қайсарда" өткізді. Қызылордалық клуб жейдесінде 19 ойынға қатысып, 2 нәтижелі пас берді.
"Ордабасының" қақпасын күзеткен Владимир Плотников өткен маусымда 12 ойын өткізіп, 13 гол жіберіп алды. Сондай-ақ төрт кездесуде қақпасын "құрғақ" ұстады.
Біздің серіктес: FONBET