Қазіргі уақытта Қазақстан жастар құрамасы оқу-жаттығу жиынын өткізуде. Жаттықтырушылар штабының міндеті қосалқы құрамның ойыншыларын қарау болды.
Қайрат Нұрдәулетов шәкірттері көктемде құрлық біріншілігінің іріктеу кезеңін бастайды. Негізгі құрамның оқу-жаттығу жиыны мен ойындары ФИФА-ның ресми мерзімінде өтеді.
21 жасқа дейінгі Қазақстан ұлттық құрамасының аға жаттықтырушысы Қайрат Нұрдәулетов оқу-жаттығу жиынын қорытындылады:
- Біріншіден, жасалған жағдайлар үшін Қазақстан футбол федерациясына рахмет. Жігіттерді бізге жібергені үшін мен Қазақстанның Бірінші лигасы командаларының жаттықтырушылары мен спорт директорларына алғыс айтамын. Біз Бірінші лигада ойнайтын жігіттер туралы көп білмедік, сондықтан жаттықтырушылармен байланысып, кімге мүмкіндік беру керектігін талқыладық. Бұл оқу-жаттығу жиынында біз ең алдымен Жастар құрамасына үміткерлердің деңгейіне, олардың ойынды қалай түсінетіндігіне көз жүгірттік. Бұл жиынның мақсаты Бірінші лигада ойнайтын ойыншыларға шолу жасау болды. Барлығы ойдағыдай өтті, маған жігіттер ұнады. Алда бізді тағы бір жолдастық ойын күтіп тұр, содан кейін біз қайтадан командалардың жаттықтырушыларымен ақылдасып, келесі оқу-жаттығу жиынына өзін жақсы көрсеткендерді шақыратын боламыз.
Ертең қосалқы құрамның ойыншылары елордалық «Астанамен» жолдастық матч өткізеді.
Біздің серіктес: FONBET