Бүгін, 7 ақпанда Қазақстан футбол федерациясының (ҚФФ) президенттігіне үміткерлерді тіркеу рәсімі аяқталды, деп хабарлайды Vesti.kz.
Ағымдағы жылдың 28 ақпанына жоспарланған конференцияда жұмыс мәселелерін талқылаумен қатар ҚФФ президенті сайланатын болады.
Облыстық федерациялардан Олжас Абраев, Әділет Барменқұлов, Давид Лория, Берік Қаниев және Қайрат Оразбеков өз кандидатураларын ұсынды. Сондай-ақ ұйымның қазіргі басшысы Әділбек Жақсыбеков те бұл қызметке үміткер болуды жөн көрді.
Жақсыбеков ұзақ жылдар бойы Қазақстан футбол федерациясын басқарып келді. Ал Әділет Барменқұлов қарағандылық «Шахтердегі» жұмысымен танымал. Сондай-ақ ол федерацияның атқару комитетінің мүшесі болып табылады.
Олжас Абраев Қазақстанның кәсіпқой футбол лигасына басшылық етуде және ҚФФ-ның вице-президенті ретінде еңбек етуде.
Дэвид Лория бұған дейін «Астананың» бас директоры қызметін атқарған. Сонымен қатар ол елордадағы футбол федерациясын басқаруда. Берік Қаниев – қазақстандық футболға танымал меценат, «Жас Қыран» клубы мен академияның, сондай-ақ сол стадионның иесі.
Қайрат Оразбеков «Қайрат» футзал клубының президенті және Абраев пен Қаниев сияқты атқару комитетінің мүшесі болып табылады.
Біздің серіктес: FONBET