«Қайраттың» бас бапкері Құрбан Бердыев Қазақстан чемпионатының 7-турындағы «Тұранға» қарсы өткен ойын туралы өз пікірін білдірді:
- Өзіміз болжағандай, ойын қиын болды. Біз қолымызда бар құраммен ойнап келеміз. Шабуылға шығу жөніне келетін болсақ, психологиялық жағдай төмендеу екені сезіледі. Кантенің орны ойсырап қалды, ол жаттығу кезінде жарақат алды. Яцек алаңға толыққанды дайын болып шыққан жоқ. Швыревтің қосалқы құрамнан шығып, жақсы ойын көрсеткенін атап өткім келеді.
- Жақын арада «Қайрат» шабуылға көбірек ден қоятын командаға айналуы мүмкін бе?
- Егер құрамда тағы бір орталық қорғаушы болса, әрине біз төрт қорғаушымен ойнар едік. Сіздер ОЖЖ-да көргендеріңіздей, біз төрт қорғаушы жүйесімен ойнадық. Баньяк алаңға оралып, Васин екеуі бірге ойнай алады. Бізде шабуылдаушы ойыншылар өте көп, көбі қосалқы құрамда отыр. Бірақ қазір қорғаныс шебінде жастар ойнап жүр, бізге бірінші пас жетіспейді - бұл өте маңызды.
Біздің серіктес: FONBET