"Қызыл-Жар" футбол клубы украиналық жартылай қорғаушы Юрий Бушманды қатарға қосқанын хабарлады.
Юрий - "Динамо Киевтің" түлегі. Украинаның балалар мен жасөспірімдер футбол лигасында ол Киевтің "Динамосы" мен "Отрадный" командасында ойнады. 2007 жылы ол киевтік "Арсеналдың" қосалқы командасына кірді. Премьер-лигада "Арсенал" үшін 15 матч өткізді.
2010 жылдан 2012 жылға дейін "Прикарпатье", "Нефтяник-Укрнефть", "Звезда" клубтарында жалға ойнады. 2019 жылы футболшы литвалық "Кауно Жальгириспен" келісімшартқа отырды. Юрий өз клубында жыл ойыншысы атанды және Литва чемпионатының символикалық құрамына енді.
Юрий оқу-жаттығу жиынында "Арда" мен "Шинникке" қарсы екі жолдастық кездесуге қатысып, өзін жақсы жағынан дәлелдеді.
Біздің серіктес: FONBET