Рафаэль Уразбахтин Чемпиондар лигасының жалпы кезеңінде қай клубпен кездескісі келетіндігін айтты

— Жеребе қорытындысы бойынша бізге міндетті түрде бірінші себеттен бір топ-клуб түседі. Арманымыз «Реал» мен «Барселона» секілді командаларға қарсы ойнау. Бұл біз үшін ғана емес, бүкіл Қазақстан үшін үлкен қуаныш болар еді. Сонымен қатар ағылшын клубтары да бар. Мысалы, «Ливерпуль».

— Демек, керісінше, мықты клубтармен кездескіңіз келеді ғой?
— Әрине! Мұндай мүмкіндік, бәлкім, өмірде бір-ақ рет келетін шығар. Неге жеңілірек команда түссе екен деп ойлауымыз керек? Чемпиондар лигасында ондайы жоқ. Бастысы күшімізді сынап көру. Ал мұндай командаларды тек теледидардан емес, алаңда көру - үлкен арман, — деді Уразбахтин.

Айта кетейік, «Қайрат» алғаш рет УЕФА Чемпиондар Лигасының жалпы кезеңіне жолдама алып, Қазақстан футболы тарихында жаңа белеске шықты.