Рафаэль Уразбахтин «Қайраттың» Конференциялар лигасындағы басты мақсатын атады
Алматылық «Қайрат» бас бапкері Рафаэль Уразбахтин УЕФА Конференциялар лигасының жалпы кезеңіндегі «Ригаға» қарсы матч алдында команданың басты міндеті туралы айтты, деп хабарлайды Aladop.kz.
Маманың сөзінше, Eурокубоктағы кездесулер Қазақстандық футболшылар мен клуб үшін тәжірибе жинап, өз мүмкіндіктерін көрсетуге тамаша мүмкіндік.
«Біз жігіттермен сөйлесіп, бұл матчтардың әрқайсымыз үшін — футболшылар, бапкерлер штабы және клуб үшін — жаңа тәжірибе екенін талқыладық. Әр ойыншы осы кездесулерді өзін көрсетуге, мүмкіндіктерімізді дәлелдеуге берілген мүмкіндік ретінде қарастыруы керек. Біз бұл турнирге қатысуды ең алдымен осы тұрғыдан бағалаймыз», – деді Уразбахтин.
Бас бапкер Еурокубоктарға қатысу тек клуб үшін ғана емес, Қазақстан футболы үшін де маңызды екенін атап өтті. Оның пікірінше, отандық командалар жыл сайын кем дегенде Конференциялар лигасының жалпы кезеңіне шығуды мақсат етуі керек. Бұл Еуропалық турнирлерде тұрақты өнер көрсетіп, тәжірибе жинауға және Қазақстандық клубтардың халықаралық деңгейдегі танымалдығын арттыруға көмектеседі.
«Еуропалық турнирлерде ойнау бізге өзімізді танытуға және қажетті тәжірибе жинауға мүмкіндік береді. Бұл алдағы уақытта клубымызға да, елімізге де пайдасын тигізеді», – деп түйіндеді маман.
«Рига» мен «Қайрат» арасындағы Конференциялар лигасының жалпы кезеңіндегі алғашқы матч бүгін Латвия астанасындағы «Сконто» стадионында өтеді. Кездесу Қазақстан уақытымен сағат 21:45-те басталады.
Біздің серіктес: FONBET