Рамазан Оразов жаңа клубының жейдесінде бірінші ойынын өткізді
Қазақстан құрамасының жартылай қорғаушысы Рамазан Оразов кеше "Силькеборг" - "Утрехт" кездесуіне қатысты.
Футболшы ойынды қосалқы құрамда бастаған. Оразов матч барысында жасыл алаңға шығып, даниялық клубқа тең нәтижені ұстап қалуға көмектесті. Матч 2:2 есебімен аяқталған болатын. Қазақстандық футболшы "Силькеборгпен" Нидерланды жеріндегі ОЖЖ-ға қатысуда. Даниялық клуб келесі кездесуін 9-шілдеде нидерландылық "ПЕК Зволлеге" қарсы өткізеді. Бұл ойынды Рамазан Оразов матчты негізгі құрамда бастайды деп күтілуде.
Айта кетейік, Қазақстан құрамасының жартылай қорғаушысы "Силькеборг" командасымен 2027-жылдың маусымына дейін келісімшартқа отырған. Оған дейін Оразов "Ақтөбе","Қайрат","Ақсу" секілді командаларда доп тепті. Сондай-ақ, латвияның "Даугавпилс", ресейлік"Чайка" және словенияның "Копер" клубтарының да намысын қорғаған.
Біздің серіктес: FONBET