Рамазан Оразовтың құрамаға шақырылмауының негізгі себебі белгілі болды
Қазақстан құрамасының жартылай қорғаушысы Рамазан Оразов Аустрия мен Норвегияға қарсы ойындарға шақырту алған жоқ.
Құраманың бас бапкері «Силькеборг» футболшысына қатысты пікірімен бөліскен еді.
«Рамазан Оразовты шақырмаудың себебі қарапайым ғана, екі оқу-жаттығу жиынынын өткіздік. Біріншісіне де, екіншісіне де қатысқан. Алайда, түрлі себептердің салдарынан өзін жайсыз сезінді. Біз әрине футболшылармен әңгімелесеміз. Оразов өзінің командасында ойынға қатыспай жүр. Кез-келген футболшыға уақыт беру керек. Білмеймін, оның шақыртылмауын жағымсыз қабылдаған боларсыздар. Ал мен кез-келген футболшыға өзіне сырттан қарап көру үшін уақыт беру керек деп есептеймін. Осында жүрсең оны бәрібір байқай алмайсың. Ал енді өзі жоқ, аздап ойлануына мүмкіндік бар. Иә, біз оны тізімнен сызып тастайын деп отырғанымыз жоқ. Бұл тек кішігірім белгі болсын. Ондай-ондай болып тұрады, бүгін біреудің физикалық жағдайы жақсы болса, екіншісінде осал дегендей ғой», - деді С.Черчесов.
Қазақстан құрамасы ертең Ұлттар Лигасының бесінші туры аясында Аустрияны қабылдамақ. Ал қарашаның 17-де сырт алаңда Норвегиямен жолығады. Соңғы екі тур алдында ұлттық команда бір ұпаймен соңғы орынға жайғасқан.
Біздің серіктес: FONBET