Рамазан Оразовтың ұлттық құрама сапынан неге тыс қалғаны белгілі болды
Қазақстан ұлттық құрамасының бас бапкері Әли Алиев Данияның «Силькеборг» клубында өнер көрсететін жартылай қорғаушы Рамазан Оразовтың маусым айындағы матчтарға неге шақырылмағанын айтты.
— Рамазан қазіргі уақытта ойын тәжірибесі өте аз. Ол мұны өзі де жақсы түсінеді. Тиісті жаттығусыз тіпті Лихтенштейн құрамасы деңгейіндегі қарсыласпен де ойнау қиын. Біз бұл мәселені бірге талқыладық, — деді Алиев.
Айта кетейік, Оразов осы маусымда «Силькеборг» сапында барлық турнирлерде 42 ойынның 24-іне қатысып, 3 гол соққан.
Еске сала кетейік, Қазақстан құрамасы 5 маусым күні Минскіде Беларусьпен жолдастық матч өткізеді. Ал 9 маусымда «Астана Аренада» Солтүстік Македонияға қарсы 2026 жылғы әлем чемпионатының іріктеу кезеңі аясында ойын өтеді.
Біздің серіктес: FONBET