"Эвертонның" бас бапкері Карло Анчелотти "Реал Мадридтің" бас бапкері болып тағайындалды. Бұл жайлы мадридтік клубтың ресми сайты хабарлады.
"Карло Анчелотти алдағы үш маусым бойы негізгі команданың жаттықтырушысы болады", - деп жазылған хабарламада.
Италиялық маман мадридтік клубқа қайта оралу үшін ағылшын клубымен келісім-шартты бұзуға мәжбүр болды. Клуб президенті Флорентино Перестің өзі де Карлоны шақыруға қарсы болмады.
Анчелотти "Реал Мадридті" 2013-2015 жылдар аралығында жаттықтырған. Клубтағы алғашқы маусымында ол Чемпиондар Лигасында жеңіске жетті. Командадан кеткеннен кейін Карло "Бавария" мен "Эвертонды" баптады.
Біздің серіктес: FONBET