“Реал Мадрид” командасында ойнайтын тек екі қорғаушы қалды
27.07.2024, 17:50
Хесус Вальехоның жарақатынан кейін мадридтік клубта тек екі ойнайтын қорғаушы қалды.
Вальехо “Реал Мадрид” клубының АҚШ еліндегі турына қатыса алмайтын болды. Футболшы емделу мақсатында Испанияда қалып қойды. Осылайша, Карло Анчелотти командасы сапында дені сау Антонио Рюдигер мен Эдер Милитао ғана ұжымға көмектесе алады. Алайда бұл қорғаушылар “Реалдың” “Миланға” қарсы алғашқы матчына үлгермейді. Себебі, қорғаушылар клуб сапына әлі қосылмаған.
Осы себептен “Реал” өз сапына 16 жастағы Хоан Мартинесті ала кетті. Жас ойыншы қазіргі сәтте Кастильяда жаңа маусымға дайындалуы тиіс болатын.