Чемпиондар лигасының патшасы «Реал» Мадрид «Баварияның» латералі Альфонсо Дэвисті өз қатарынан көре алмайтын секілді. Еуропадағы белгілі басылымдардың бірі канадалық жуық арада неміс клубымен келісім-шартын созатын болды деген ақпарат таратып отыр.
Әлгі инсайдқа сенсек, Дэвистің айналасындағылар оны күні-түні Германияда қалуға үгіттеп, ақырсоңы көндірген деседі. Бұл жағдайды Флорентино Перес те естіп-біліп отыр екен. Дон Фло канадалықтың орнына басқа да ойыншыларды қарастырып, енді «Миланның» сол қаптал қорғаушысы Тео Эрнандеске көз тігіп отыр. Француз 2019 жылы Италияға дәл осы «Реал» Мадрид сапынан ауысып барған болатын. Бір қызығы, Эрнандес те «Миланмен» қазіргі келісім-шартын созбай «Сантьяго Бернабеуге» оралғысы бар. Бірақ, оның миландықтармен келісімі 2026 жылы бітеді. Дегенмен, корольдік клуб алғашқы қадам жасап, италияндықтармен саудаласып көрген. Және «Милан» басшылары 60 миллион еуродан арзанға сатпайтынын жеткізіпті. Ешкімге артық ақша шығармайтын Флорентино Перес енді қайтпек?
Біздің серіктес: FONBET