Мадридтік "Реал" ПСЖ шабуылшысы Килиан Мбаппе мен "Боруссияның" шабуылшысы Эрлинг Холландты команда сапында көргісі келеді, деп хабарлайды AS.
Дереккөздің хабарлауынша, "Реал" Мбаппені 2021 жылы, ал Холландты 2022 жылы алмақшы. Мбаппе ПСЖ-ға 2017 жылдың жазында "Монако" клубынан ауысқан. Алдымен ойыншы париждіктерге жалға қосылды, бірақ келісім шартта міндетті төлем болды. Бұған дейін Мадридтің "Реалы" Мбаппеге қызығушылық танытып отырғаны хабарланған.
Еске салайық, Эрлинг Холланд "Боруссияға" австриялық "РБ Зальцбург" клубынан 20 миллион еуроға ауысып келді, биыл ол барлық турнирлерде 31 матч өткізіп, 33 гол соқты, 6 нәтижелі пас берді.
Бұған дейін 20 жастағы Эрлинг Холланд Еуропаның ең үздік жас футболшысына берілетін "Golden Boy" сыйлығын алатыны белгілі болды.
Біздің серіктес: FONBET