Ресей құрамасының бұрынғы футболшысы: Черчесов нәтижеге жетуді жақсы көреді
04.06.2024, 13:17
Ресей құрамасы мен «Динамо», «Локомотив» клубтарының бұрынғы шабуылшысы Дмитрий Булыкин Станислав Черчесовтың тағайындалуы туралы ойын айтты
Қазақстан құрамасының бас бапкері Станислав Черчесов
«Бұл жұмыс оған не беруі мүмкін? Ең бірінші кезекте - нәтиже. Өйткені, ол жұмыс істеу үшін жұмыс істейтін емес нәтижеге жетуді жақсы көретін макисмалист-бапкер. Оны өте жақсы жаттықтырушы деп есептеймін. Меніңше, ол өзін бір клубта жақсы көрсетер еді, бірақ енді Қазақстан құрамасын таңдаған екен, сол жақтың футболшыларының деңгейін көтереді», - деді Д. Булыкин.
Айта кетейік, жуырда Станислав Черчесов Қазақстан құрамасының бас бапкері қызметіне тағайындалды. Ресейлік маман отбасылық жағдайына байланысты қызетінен кеткен Магомед Адиевтің орнын басқан болатын.