Қазақстан мен Ресей құрамалары жолдастық кездесуінің өтетін орны мен уақыты белгілі болды. Фабио Капелло мен Юрий Красножан  шәкірттері 31 наурызда «Арена Химки» стадионында кездеседі. Матч Астана уақытымен 23:00-де басталады. «Арена Химки» стадионында мәскеулік «ЦСКА» мен «Динамо» клубтары Ресей Премьер-Лигасы мен еурокубок ойындарының матчтарын қабылдайды. «Арена Химки» стадионының сыйымдылығы —  18 636 адам. Қазақстан осыған дейін Молдовамен Түркияда жолдастық матч өткізіп, 1:1 есебімен тең түскен. Қазақстан құрамасы бұл матчқа дейін 28 наурызда Астанада Еуро-2016 іріктеуі аясында Исландия құрамасын қабылдайды.