Роберт Левандовски: «Қазір тек қана чемпиондар Лигасының финалы жайлы ғана ойлап жүрмін»

Дортмундтық «Боруссияның» шабуылшысы Роберт Левандовски қазіргі өзінің болашағы жайлы еш ойланбастан жүр екен. Оның айтуынша Роберт болашақта қандай клубта ойнайтынын тек 25 мамырдағы «Бавариямен» болатын чемпиондар Лигасының ақтық ойынынан кейін барып ойланатын секілді.

 - Қазір сіздерге дөп басып ешнәрсе айта алмаймын. Әрине әртүрлі клубтардан ұсыныстар түсіп жатыр. Қайсысына баратынымды өзім де білмеймін. Не болса да мамырдың аяғында барлығы белгілі болады – деп журналистерге сұхбатын берді.

25 мамырда Уефа чемпиондар Лигасының ақтық ойыны Ұлыбритания астанасы Лондондағы «Уэмбли» стадионында болатынын естеріңізге сала кетейік. Биылғы финалда мюнхендік «Бавария» мен дортмундтық «Боруссияның» арасында болмақ.