Роналду дайын!

Мадридтік "Реалдың" бас жаттықтырушысы Зинедин Зидан англиялық "Манчестер Юнайтедпен" УЕФА Суперкубогы үшін өтетін  кездесу алдындағы көңіл күйімен бөлісті. "Біз жақсы формадамыз және маусымды бастауға дайынбыз. Бірінші ресми ойынымызды асыға күтудеміз. Ертеңгі кездесуде біз әдеттегідей өз ойынымызды жүргізетін боламыз. Қарсылас жайында көп білеміз, және ертең барлығын қатесіз жасау өте маңызды. Криштиану Роналду маған өте қатты әсер қалдыруда, ол Чемпиондар Лигасының финалы күнінде болған формада. Роналду ойнауға дайын" - деп мәлімдейді УЕФА-ның ресми сайты. Тағы бір айта кетерлік жайт, демалыста жүрген португалиялық сұрмерген 5-ші тамыз күні "Реалмен" дайындықтарын бастап кеткен болатын. Естеріңізге сала кетейік, "Манчестер Юнайтедпен" "Реалдың" арасындағы кездесу бүгін түнде Македония елінің астанасы Скопьеда "Филип ІІ Макендонский" стадионында астана уақытымен 00:45-те басталады.

                                                                                                                                                                        Руслан Мералиев