Самородов ұлттық құрама үшін алаңға шығуға дайын
Максим Самородовтың жарақаты жеңіл болған және алдағы матчтарға толықтай дайын екенін мәлімдеді.
РПЛ-дің 10-турында "Акронға” қарсы кездесуде (3:0) Самородов бел тұсында ауырсыну сезіп, алаңнан ауыстырылған еді. Бұл жанкүйерлер арасында футболшының жағдайына алаңдаушылық тудырған болатын. Алайда ASnews.kz дерегінше, жарақат жеңіл болып шықты.
"Соқтығыстан кейін Макс өзін жайсыз сезінді, сондықтан сақтық үшін ауыстырылды. Қазір бәрі жақсы, ешқандай асқыну жоқ.” – дейді дереккөз.
Самородов "Ахматтың” 30 қыркүйекте өтетін "Оренбургке” қарсы ойынына дайындықты жалғастыруда.
Ол қазан айында өтетін 2026 жылғы әлем чемпионатының іріктеу ойындарына қатысады. Қазақстан құрамасы бұл матчтарда Лихтенштейн және Солтүстік Македонияға қарсы ойнайды.
Біздің серіктес: FONBET