Самуэль Это’O Камерун футбол федерациясының президенті қызметінен кетеді
06.02.2024, 13:00
Камерун ұлттық құрама командасы мен «Барселонаның» бұрынғы шабуылшысы өзінің қазіргі лауазымынан бас тартпақшы. Бұған Камерун құрамасының Африка кубогіндегі сәтсіз ойыны түрткі болған көрінеді. Әйгілі сұрмерген бұл туралы Камерун футбол федерациясының кезекті отырысында мәлімдеген. Алайда, аталған ұйымның атқару комитеті оның шешімін құптамапты.
Естеріңізге саламыз, Самуэль Это’O 2021 өзінің елінің футбол федерациясының тізгінін 2021 жылы ұстаған болатын. Енді ардагер спортшы бұл қызметтен кетуді жөн көріпті.