Сан-Марино құрамасы өз тарихында 4 ойын қатарынан гол соқты
21.03.2024, 12:44
Төрт ойын қатарынан гол соққанымен құрама барлық кездесулерінде жеңіліс тапты.
Команда Сент-Киттс және Невис құрамасына қарсы жолдастық кездесуде - 1:3 есебімен жеңілді. Матчтың 21 минутында пенальтиден Филиппо Берарди гол соғып, Сан-Мариноның төрт ойын қатарынан гол соғуына себепкер болды.
Бұған дейін Сан-Марино Еуро іріктеуінде Қазақстан, Финляндия және Дания қақпасына гол соққан болатын.
Іріктеу аясында Сан-Марино барлығы 10 матч жеңілді. Голдар айырмасы 3:31.
Соңғы рет құрама сонау 2004 жылы Лихтенштейнге қарсы ойында 1:0 есебімен жеңген. Содан бері Сан-Марино 137 матч қатарынан жеңіліс тауып келеді.