Саудиялықтар Винисиус үшін рекордтық сома ұсынуға дайын
Сауд Арабиясының лигасы "Реалдың" вингері Винисиус Жуниорға қызығушылық танытуды жалғастырып келеді және оның трансфері үшін рекордтық €350 миллионға дейінгі сома ұсынуға дайын. Алайда бұл келісімді олар бірден емес, алдағы үш жылдың ішінде жүзеге асырмақшы.
Қазіргі таңда Винисиус "Реал Мадридпен" жаңа келісімшартқа қол қойған жоқ, дегенмен көпшілік алдында командада қалғысы келетінін мәлімдеп жүр. Оның қазіргі келісімі 2027 жылға дейін жарамды.
Бұған дейін "Аль-Хиляль” Килиан Мбаппені €300 миллионға сатып алуға тырысқан еді. Ал Винисиусқа 5 жылға шамамен €1 миллиардтық бонусы бар келісім ұсынылған. Сауд Арабиясы тарапынан Винисиус басты трансферлік мақсат ретінде қарастырылып отыр, олар оны PIF (Саудияның Қоғамдық инвестициялық қоры) бақылайтын клубтардың біріне тартқысы келеді.
Біздің серіктес: FONBET