“Селтик” “Қайратты” таптап өтеді” Британдық сарапшылар “Қайратқа” Глазгода шанс жоқ, оларды ірі есеп күтіп тұр деп болжауда. Шотландиялықтар интригасын Алматыға қалдырмайды дейді

Барлық сарапшылар бірауыздан алаң иелеріне басымдық берді.

Майкл Гэннон:

"Қайрат" автобусты қойып қорғанысқа жүгінуге тырысады. Бірақ ерте соғылған гол ойынның бағытын анықтайды. "Селтик” Қазақстанға сенімді басымдықпен аттанады. Маңыздысы қонақтарға гол соғуға мүмкіндік бермеу.
Болжам: "Селтик” – "Қайрат” 4:0.

Райан Макдональд:

"Селтик” жанкүйерлері Чемпиондар лигасынан ұшуды қабылдамайды. Бұл ең қолайлы жеребе болды, сондықтан Шотландиялық клуб Қазақстанға сенімді басымдықпен баруы тиіс.
Болжам: 3:0 "Селтиктің” пайдасына.

Скотт Бёрнс:

"Селтик” өз алаңында ойынды өз пайдасына шешеді деп ойлаймын. Брендан Роджерстің командасы “Қайраттан” тым мықты.
Болжам: "Селтик" – "Қайрат" 3:1.

Марк Пири:

"Өткен маусымда "Селтик“ Еуропада ірі жеңістерге қол жеткізе алатынын дәлелдеді. Биыл трансферлік терезе сәтсіз өтті, команда аздап әлсірегендей көрінеді. Бірақ бұл раундтан өтіп, алғашқы матчта сенімді жеңіс алуы тиіс.
Болжам: "Селтик" – "Қайрат” 2:0.

Энди Ньюпорт:

"Қарымта ойынға Қазақстанға баратын жол өте ұзақ әрі ауыр болады. Сондықтан "Селтик” алғашқы матчта-ақ айқын басымдыққа қол жеткізуді қалайды. Олар бес сағаттық белдеуді кесіп өтеді, бірақ интриганы созбайды деп ойлаймын."
Болжам: "Селтик" – "Қайрат” 3:0.

Скотт Макдермотт:

"Қазақстанға бару оңай емес. Сондықтан Роджерстің командасы Глазгода интриганы өлтіруге тырысады. "Селтик” Еуропадағы үй матчтарын қарқынды бастай біледі. Егер олар дұрыс ойнаса, "Қайратты" басынан-ақ қыспаққа алып, жеңісті жеңілдетуі мүмкін».
Болжам: "Селтик" – "Қайрат" 3:0.

Матч Астана уақытымен түнгі 00:00-де басталады. Қарымта ойын 26 тамыз күні Алматыда өтеді.